Lakshmi Shobhane in Kannada

ಲಕ್ಷ್ಮೀನಾರಾಯಣರ ಚರಣಕ್ಕೆ ಶರಣೆಂಬೆ

ಪಕ್ಷಿವಾಹನ್ನಗೆರಗುವೆ

ಪಕ್ಷಿವಾಹನ್ನಗೆರಗುವೆ ಅನುದಿನ

ರಕ್ಷಿಸಲಿ ನಮ್ಮ ವಧೂವರರ

ಪಾಲಸಾಗರವನ್ನು ಲೀಲೆಯಲಿ ಕಡೆಯಲು

ಬಾಲೆ ಮಹಾಲಕ್ಷುಮಿ ಉದಿಸಿದಳು

ಬಾಲೆ ಮಹಾಲಕ್ಷುಮಿ ಉದಿಸಿದಳಾ ದೇವಿ

ಪಾಲಿಸಲಿ ನಮ್ಮ ವಧೂವರರ

ಬೊಮ್ಮನ ಪ್ರಳಯದಲಿ ತನ್ನರಸಿಯೊಡಗೂಡಿ

ಸುಮ್ಮನೆಯಾಗಿ ಮಲಗಿಪ್ಪ

ನಮ್ಮ ನಾರಾಯಣಗು ಈ ರಮ್ಮೆಗಡಿಗಡಿಗು

ಜನ್ಮವೆಂಬುದು ಅವತಾರ

ಕಂಬುಕಂಠದ ಸುತ್ತ ಕಟ್ಟಿದ ಮಂಗಳಸೂತ್ರ

ಅಂಬುಜವೆರಡು ಕರಯುಗದಿ

ಅಂಬುಜವೆರಡು ಕರಯುಗದಿ ಧರಿಸಿ

ಪೀತಾಂಬರವನುಟ್ಟು ಮೆರೆದಳೆ

ಒಂದು ಕರದಿಂದ ಅಭಯವನೀವಳೆ

ಮತ್ತೊಂದು ಕೈಯಿಂದ ವರಗಳ

ಕುಂದಿಲ್ಲಲದಾನಂದಸಂದೋಹ ಉಣಿಸುವ

ಇಂದಿರೆ ನಮ್ಮ ಸಲಹಲಿ

ಮುತ್ತೈದೆಯರೆಲ್ಲರೂ ಮುತ್ತಿನಾರುತಿ ಎತ್ತಿ

ಹತ್ತಾವತಾರದ ಹಯವದನಗ

ಹತ್ತಾವತಾರದ ಹಯವದನ ದೇವಗ

ಹೊಸ ಮುತ್ತಿನಾರುತಿಯ ಬೆಳಗಿರೆ ॥ ಶೋಭಾನೆ